الشروط وسياسة الاسترجاع

المنتجات الرقمية

• بعد الدفع يوصلك رابط تحميل صالح 24 ساعة، ونقدر نرسله لك من جديد متى ما طلبت.
• الملفات لاستخدامك الشخصي أو التجاري في مشاريعك. ممنوع إعادة بيعها أو نشرها كما هي.

الاسترجاع

• لو ما وصلك الملف أو كان فيه خلل وما قدرنا نصلحه، نرجع لك المبلغ كامل.
• تقدر تطلب الاسترجاع خلال 7 أيام من الشراء، ما لم يكن المنتج تم تحميله واستخدامه.
• الاستشارة المدفوعة: تسترجع المبلغ كامل لو ألغيت قبل الموعد بـ 24 ساعة.

الاشتراكات الشهرية (صيانة، استضافة، دعم)

• تطلع الفاتورة قبل بداية كل فترة، ويوصلك رابط الدفع على الواتساب.
• تقدر تلغي الاشتراك متى ما بغيت برسالة لنا، ويستمر لين نهاية الفترة المدفوعة. ما فيه استرجاع للفترة اللي بدأت.
• لو تأخر الدفع أكثر من 7 أيام من بداية الفترة، ممكن تتوقف الخدمة لين يتم السداد.

برنامج الإحالة

• لما يكون البرنامج شغال، يطلع لك بعد الشراء رابط خاص. تاخذ النسبة المعلنة من أي مبلغ مدفوع عن طريق رابطك خلال 60 يوم من أول زيارة.
• ما تنحسب المكافأة على شراءك أنت، ولا على طلب انسترجع مبلغه. والطلبات المشبوهة أو الوهمية ما لها مكافأة.
• نقدر نعدّل النسبة أو نوقف البرنامج، وما يأثر على مكافآت مستحقة قبل التعديل.

الأسعار

الأسعار بالريال السعودي. الدفع عن طريق Moyasar (مدى، Apple Pay، البطاقات).

التواصل

لأي طلب استرجاع أو مشكلة: عبر الواتساب المذكور في رسالة الطلب.