سياسة الخصوصية

وش نجمع

• رقم الواتساب لما تشترك في الموارد الأسبوعية أو تطلب خدمة أو تشتري منتج، مع وقت موافقتك.
• بيانات طلب الخدمة اللي تكتبها في نموذج "اطلب تصور مبدئي" (الاسم، الشركة، وصف المشروع، الملفات اللي ترفعها).
• بيانات الشراء: الاسم والجوال والإيميل (اختياري). بيانات البطاقة ما تمر علينا أبداً، تعالجها بوابة الدفع Moyasar مباشرة.
• إحصائيات مجهولة: الصفحات اللي تنزار ومصدر الزيارة (مثل TikTok)، بدون أي بيانات تعرّف عنك.

ليش نجمعها

• نرسل لك اللي طلبته: المورد، الملفات، أو رد على طلبك.
• نفهم أي محتوى يفيد عشان نحسّنه.

مين يشوفها

صاحب المنصة فقط. ما نبيع بياناتك ولا نشاركها، إلا مع مزودي الخدمة اللازمين للتشغيل (الاستضافة، قاعدة البيانات، الدفع، واتساب، الإيميل) وتحت التزامات حماية.

الشركاء: لو طلبت خدمة نحولها لشريك (مثل التسويق أو التصميم)، ما نرسل اسمك ورقمك له إلا بعد ما نسألك وتوافق، ونسجّل موافقتك. وصفحة الشركاء نفسها توديك لهم مباشرة بدون ما نرسل عنك أي بيانات.

حقوقك

• تلغي اشتراك الواتساب من الرابط الموجود في أي رسالة.
• تطلب نسخة من بياناتك أو حذفها: تواصل معنا عبر نموذج التواصل في الموقع.

الكوكيز

نستخدم كوكيز ضرورية فقط: تذكر مصدر زيارتك لمدة 30 يوم، ورابط الإحالة اللي جيت منه لمدة 60 يوم (عشان صاحب الرابط ياخذ مكافأته)، وحفظ مسودة النموذج على جهازك. كلها بدون بيانات شخصية.

التواصل

أي سؤال عن خصوصيتك: عبر نموذج التواصل في الموقع.